> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Россияга баруучу кыргызстандыктар мобилдик тиркеме аркылуу терс ПЦР-тестин көрсөтүш керек
- URL: https://im.kg/all/2021/04/26/rfna-baruuchu-kyrgyzstandyktar-mobildik-tirkeme-arkyluu-ters-pcr-testin-k-rs-t-sh-kerek/
- Published: 2021-04-26T17:18:20.000Z
- Updated: 2023-05-31T06:14:42.000Z
- Author: Назира Абдиева
- Tags: #Жаңылыктар, #Import 2025-07-22 12:57

**ЕАЭСна кирген өлкөлөрдүн жарандары, алардын катарында кыргызстандыктар да Россияга кирип жатып, «Путешествую без COVID-19» тиркемеси аркылуу терс ПЦР-тестин көрсөтүш керек. Мындай талапты Роспотребнадзор койду.**

> «Мындай эреже бардык жүргүнчүлөргө тиешелүү», – дейт транспорт министрлигинин маалымат кызматы.

##### Бул үчүн эмне кылыш керек?

1. «Путешествую без COVID-19» деген мобилдик тиркемени AppStore же Google Play аркылуу телефонуңузга жүктөп алыңыз.
2. Сунушталган тизмеден сизге жакын лабороторияны табыңыз. Ал жерден жазылып, уча турган паспорт менен лабороторияга келиңиз.
3. Лабороторияда берилген анкетаны толтурасыз. Мобилдик тиркеме турган телефон номериңизди жазып, тестти тапшырасыз.
4. Мобилдик тиркеменин жардамы менен билдирүүдө көрсөтүлгөн QR-кодду жазасыз.
5. Учаар алдында мобилдик тиркемедеги тесттин жыйынтыгы тууралуу маалыматтын жетиштүү жана мөөнөтү да туура экендигин текшересиз. (ПЦР-тест учаар алдында 72 сааттан аз эмес убакытта тапшырылган болуш керек)
6. Учак конгондон кийин мобилдик телефондогу тиркемеден QR-кодду көрсөтүш керек.