«МКУ» кошумча акцияларын чыгаруу менен 17 млн сом тапты

Назира Абдиева -

«Мамлекеттик камсыздандыруу уюму» ААК сегизинчи жөнөкөй кошумча акцияларын чыгаруу жолу менен 17.3 млн сом тартты. Бул тууралуу «Кыргыз фондулук биржасынын» маалымат кызматы билдирди.

Бул келишим өткөн жумада (31-майдан 4-июнга чейин) эң ири болуп, соода көлөмүнүн 80%ын ээлеген. Камсыздандыруу уюмунун баалуу кагаздарынын бир акциясы – 100 сомдон сатылды.

Белгилей кетсек, өткөн жумада соодалашуунун жалпы көлөмү – 21.6 млн сомду түзгөн. КФБ корпоративдик сектордогу 12 компаниянын баалуу кагаздары менен 23 бүтүм каттады.