> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Россия КРнын Өзгөчө кырдаалдар министрлигине атайын жабдууларды сатып алуу үчүн 20 млн доллар берет
- URL: https://im.kg/all/2021/06/22/rossiya-krnyn-zg-ch-kyrdaaldar-ministrligine-atajyn-zhabduulardy-satyp-aluu-ch-n-20-mln-dollar-beret/
- Published: 2021-06-22T19:21:23.000Z
- Updated: 2023-05-31T06:15:10.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Кыргызстан Өзгөчө кырдаалдар министрлигине атайын техникаларды алуу үчүн Россия менен 20 млн долларга келишим түздү. Бул тууралуу Өзгөчө кырдаалдар министри Бообек Ажикеев бүгүн, 22-июнда маалымат жыйынында билдирди.**

> Анын айтымында, келишимдин алкагында 100дөн ашык өрткө каршы шаймандарды, эки тик учакты жана башка керектүү жабдыктарды сатып алуу пландалууда. Каражаттар толугу менен гранттык негизде берилет. 

Министр кошумчалагандай, ушул жылдын аягында Кытайдан алты мобилдик көчмө оорукана жана 100гө жакын өрткө каршы шаймандар алынып келинет. Бирок ал процесс COVID-19дан улам кийинкиге калтырылгандыктан, аталган жабдуулар 2022-жылдын аягына чейин келиши күтүлүүдө.

Ошондой эле ал белгилегендей, июль айынын башында өрткө каршы шаймандардын 60 бирдигин сатып алуу боюнча тендер өткөрүлмөкчү.