> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Gergert Sport дүкөнү спорттук товарларды мыйзамсыз алып келет жана сатат деп айыпталууда
- URL: https://im.kg/all/2021/06/24/gergert-sport-d-k-n-sporttuk-tovarlardy-myjzamsyz-alyp-kelet-zhana-satat-dep-ajyptaluuda/
- Published: 2021-06-24T09:21:08.000Z
- Updated: 2023-05-31T07:11:15.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Бажы кызматкерлери Gergert Sport дүкөнүн спорттук товарларды мыйзамсыз алып келип сатканын жарыялашты. Бажы кызматына келтирилген чыгым дээрлик 8.6 млн сомго бааланган. Бул тууралуу аталган ведомствонун маалымат кызматы билдирди.**

Товарларды КРга мыйзамсыз ташып келүү боюнча сотко чейинки өндүрүштүн алкагында, Бажы кызматы Gergert Sport спорт дүкөнүнө товарларды ЕС өлкөлөрүнөн экспорттоо боюнча кошумча маалымат алды. Жүк ташуу документтерин изилдеп жатып, КРнын аймагында бажы жагынан эч кандай жол-жоболоштуруу жүргүзүлбөгөндүгү аныкталган деп айтылат ведомствонун билдирүүсүндө.

> Gergert Sport дүкөндөрүндө товар саткан тышкы экономикалык ишмердүүлүктүн (ТЭИ) катышуучуларынын айтымында, жүк ташуу документтериндеги туура эмес маалыматтар европалык логистикалык компаниялардын каталарынан улам көрсөтүлгөн.

Чогултулган кошумча материалдар мурда козголгон сотко чейинки өндүрүшкө киргизүү үчүн КРнын Ички иштер министрлигинин тергөө кызматына өткөрүлүп берилгенин аталган ведомствонун басма сөз кызматы билдирди.

Эскерте кетсек, спорт дүкөнү буга чейин, март айында, мамлекетке көп миллиондогон зыян келтирген деген шек менен айыпталган болчу. [24.kg](https://24.kg/proisshestvija/185624%5FGergert%5FSport%5Fnanes%5Fuscherb%5Fbyudjetu%5Fvnbsp21nbspmillion%5Fsomov%5Fnonbspmagazin%5Fskoro%5Fotkroyut/) агенттигинин маалыматына ылайык, бажы төлөмдөрүн төлөөдөн качып, келтирген зыяны **21 млн сомго** бааланган.