> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# 40 ишкер бизнести илгерилетүү мектебинде билим алууда
- URL: https://im.kg/all/2021/06/25/40-ishker-biznesti-ilgerilet-mektebinde-bilim-aluuda/
- Published: 2021-06-25T09:19:18.000Z
- Updated: 2022-09-04T22:09:38.000Z
- Author: Назира Абдиева
- Tags: #Жаңылыктар, #Import 2025-07-22 12:57

**22-июндан 25-июнга чейин Ысык-Көлдө Кыргызстандын түндүк аймактарынан тандалып алынган 40 ишкер үчүн «Айылдык Табышкер» программасынын алкагында тренингдер өтүүдө. Бул тууралуу «Сорос» Фондунун маалымат кызматы билдирет.** 

Талас, Ысык-Көл жана Нарын облустарында 200 ишкер менен жеке маектешүүдөн кийин, мектептен өтүү үчүн мыкты арыздар тандалган. Үч күндүк мектептен кийин катышуучуларга бир нече айлык ментордук программа жана онлайн семинарлар өткөрүлөт. 

> «Айылдык Табышкер» программасы ишкерлерге рыноктун жаңы шарттарына ыңгайлашууга жана натыйжалуу илгерилетүү боюнча ачык маалыматтарды алууга жардам берүүгө багытталган. 

Жакынкы аралыкта түштүк аймактардын ишкерлери менен таанышуу үчүн таанышуу тур пландаштырылып жатканын аталган Фонддун басма сөз кызматы билдирди.

Улуттук статистикалык комитеттин маалыматы боюнча, Кыргызстанда коронавирус пандемиясы учурунда орто жана чакан ишкерлер эң көп жабыркады. Бул шарттар жергиликтүү ишкерлерди жаңы чындыкка көнүп, онлайн режиминде жаңы чечимдерди табууга түрттү. Кыргызстанда көптөгөн ишкерлер өз кызматтарын жана өнүмдөрүн онлайн режиминде эффективдүү илгерилетүү боюнча билими аз. Андыктан жогорудагыдай иш-чаралар ишкерлердин ишмердүүлүгүнө чоң жардам берет деп билдиришти Фонддон.