> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Аскар Акаев Бишкекке учуп келди – учурда ал УКМКнын имаратында
- URL: https://im.kg/all/2021/08/02/askar-akaev-bishkekke-uchup-keldi-uchurda-al-ukmknyn-imaratynda/
- Published: 2021-08-02T16:09:45.000Z
- Updated: 2022-09-04T22:09:24.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Азыркы учурда Акаев УКМКнын имаратында, ал жерде Кумтөр кени боюнча козголгон кылмыш ишинин алкагында тийиштүү тергөө иш-аракеттери жүргүзүлүүдө деп билдирди УКМК.**

Мурда маалымдалгандай, «Кумтөр» долбоорун ишке ашыруудагы коррупциялык фактылар боюнча козголгон кылмыш ишин иликтөө алкагында, ведомстволор аралык тергөө тобу тарабынан өлкөнүн мурунку президенти Аскар Акаевге издөө жарыяланган.

Акаев башка мурдагы жогорку кызмат адамдары менен бирге 1992-жылы «Кумтөр» долбоору боюнча Башкы келишимди түзүүдө, 1994-жылы ага өзгөртүүлөрдү киргизүү учурунда, ошондой эле 2003-жылы «Камеко» компаниясы менен түзүлгөн Башкы келишимди реструктуризациялоо учурундагы коррупция боюнча кылмыш жоопкерчилигине тартылган.

Тергөө амалдарынын жыйынтыктары жана процессуалдык чечимдер тууралуу, анын ичинен Аскар Акаев боюнча, УКМК кошумча маалыматты коомчулукка өз убагында берип турат деп белгиледи аталган комиеттин маалымат кызматы.