> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# «Эң начар сценарийге даяр болушубуз керек» – Өкмөт азык-түлүк резервин түзүү керектигин айтты
- URL: https://im.kg/all/2021/09/24/e-nachar-scenarijge-dayar-bolushubuz-kerek-km-t-azyk-t-l-k-rezervin-t-z-kerektigin-ajtty/
- Published: 2021-09-24T14:42:18.000Z
- Updated: 2023-05-30T07:11:56.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Бүгүн, 24-сентябрда Улукбек Марипов жыйын өткөрүп, анда социалдык маанилүү тамак-аш азыктарынын, бензиндин жана дизелдик отундун бааларын турукташтыруу боюнча көрүлгөн чараларды карап, бирок ошол мезгилде «эң начар сценарийге» даяр болуш керектигин белгиледи.**

> «Азык-түлүк запасын түзүү үчүн буудай сатып алууга мамлекеттик бюджеттен 1.5 млрд сом, өсүмдүк майы жана кум шекер сатып алууга **300 млн сомдон** ашык каражат бөлүнгөн. Данды жана унду импорттоону 1 жылга КНСтен бошотуу боюнча чечим кабыл алынды, үчүнчү өлкөлөрдөн ак кантты бажы төлөмсүз алып келүү боюнча келишимге кол коюлду. 2021-жылдын 31-декабрына чейин айыл-чарба жаныбарларын импорттоого КНС кошулбайт. Мындан тышкары, айыл чарба продукцияларынын айрым түрлөрүн (буудай, күрүч, буудай уну, өсүмдүк майы, кум шекер, тооктун жумурткасы) экспорттоого (экспорттоого) тыюу салынды», – деди ал.

«Бир нече кадам алдыга карап иштөө керектигин» белгилеген өкмөт башчысы күтүүсүз кырдаал түзүлүп же аба ырайы начарлап кеткен, түшүм жакшы болбой калган учурга даяр туруу үчүн **айыл чарба азыктарынын мамлекеттик резервин түзүү зарылдыгын** кошумчалады.