> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# ОКӨФ кредит берүүнүн минималдуу суммасын 100-200 миң долларга түшүрдү
- URL: https://im.kg/all/2021/10/07/ok-f-kredit-ber-n-n-minimalduu-summasyn-100-200-mi-dollarga-t-sh-rd/
- Published: 2021-10-07T10:28:38.000Z
- Updated: 2022-09-04T22:08:59.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Орус-кыргыз өнүктүрүү фонду кредит берүүнүн минималдуу чегин 200 миң долларга, ал эми Нарын жана Баткен облустары үчүн 100 миң долларга түшүрдү. Бул алыскы региондордогу ишкерлерди колдоо жана фонддун каражаттарынын жеткиликтүүлүгүн жогорулатуу үчүн жасалган.**

Уюмдун маалыматына таянсак, ОКӨФтүн башкармалыгынын мүчөсү Бакыт Курманбеков Жалал-Абад шаарындагы JIA «Бизнес-Караван» бизнес-ассоциациясынын долбоорунун алкагында ишкерлер менен жолугушту. Жолугушууга Ош, Баткен, Ысык-Көл, Талас жана Жалал-Абад облустарынын ишкерлери катышты.

Ишканалардын жетекчилери бизнести өнүктүрүүгө тоскоол болгон, тактап айтканда, акыркы продукцияны сатуу жана экспорттоо боюнча негизги кыйынчылыктар менен пикир бөлүшүштү. Алар өз долбоорлору тууралуу айтып, ОКӨФтөн кеңеш алышты. Жолугушуунун катышуучулары уюмдун каржылоо суммасынын минималдуу чегин төмөндөтүү маселесин да көтөрүштү.

Уюмдан билдиришкендей, фонд сүйлөшүүлөргө дайыма ачык жана долбоорлорду даярдоо стадиясында бизнеске адистештирилген консультациялык колдоо көрсөтүүгө да даяр. Бул үчүн ар бир региондо ишкерлерди жана алардын «Кепилдик фонду» жана өнөктөш банктар менен өз ара аракеттенүүсүн координациялаган консультациялык борбор иштейт.