> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Экономика министрлиги Казакстан кайсы учурда КРдан келген жүк ташуучу унааларды текшерүүдөн өткөрбөй турганын билдирди
- URL: https://im.kg/all/2021/10/26/ekonomika-ministrligi-kazakstan-kajsy-uchurda-krdan-kelgen-zh-k-tashuuchu-unaalardy-teksher-d-n-tk-rb-j-turganyn-bildirdi/
- Published: 2021-10-26T10:25:30.000Z
- Updated: 2023-05-31T06:54:52.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Кыргызстан менен Казакстан жүк ташуучу унаалар үчүн навигациялык пломбаларды колдонуу боюнча пилоттук долбоорду ишке ашырууда, бул КРдан Казакстанга, Россия Федерациясынын аймагына, ошондой эле карама-каршы багытта бара жаткан унааларга тиешелүү болмокчу.**

Кыргызстандын Салык кызматы менен Казакстандын Каржы министрлигинин Мамлекеттик кирешелер комитети 22-октябрда аталган Пилоттук долбоордун тартибине кол коюшту. Бул тууралуу Экономика жана коммерция министринин орун басары Эльдар Алишеров кечээ, 25-октябрда жүк ташуучулардын бизнес-ассоциациясынын өкүлдөрү менен болгон жолугушууда билдирди.

> Анын айтымында, документке ылайык, казак тарап КРдан келген жүк ташуучу унааларды Казакстанга кирип жатканда жана бул аймактан РФга транзиттик жол менен баратканда, ошондой эле карама-каршы багытта баратканда көзөмөл жүргүзүү жана текшерүү чараларын жүргүзбөйт.

> Ошол эле учурда **ата мекендик экспортерлор жанында электрондук эсеп-фактураларды (ЭЭФ) алып жүрүүгө милдеттүү.** Чек арадан өтүүдө ЭЭФ жок болсо, орун алган тобокелдиктерди эске алуу менен Казакстандын Мамлекеттик кирешелер комитети жүк ташуучу унааларды кайра КРнын аймагына кайтарып берет.

Берилген маалыматка ылайык, казак тарап автотранспорттор Казакстандын аймагына киргенде көзөмөл жана текшерүү иш-чараларын жүргүзбөстөн жүк ташуучу унааларга навигациялык пломбаларды орнотушат.

Алишеровдун түшүндүргөнүнө караганда, КРдан Казакстанга бара жаткан жүк ташуучу унааларга карата мурда кетирилген тартип бузуулар үчүн көзөмөлдүн кошумча түрлөрүн жүргүзүү жеңил унаа белгиленген жерге келгенде жүргүзүлөт.