> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Өзбекстан менен Түркмөнстан авариялык жагдайдан улам КРга электр энергия берүүнү убактылуу токтотту
- URL: https://im.kg/all/2021/11/17/zbekstan-menen-t-rkm-nstan-avariyalyk-zhagdajdan-ulam-krga-elektr-energiya-ber-n-toktottu/
- Published: 2021-11-17T14:38:00.000Z
- Updated: 2023-05-31T06:07:25.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Өзбекстан менен Түркмөнстан авариялык жагдайдан улам КРга электр энергия берүүнү убактылуу токтотту. Бул тууралуу Энергетика жана өнөр жай министринин орун басары Таалайбек Ибраев «Биринчи радиого» [билдирди](https://www.facebook.com/1Radiokg/videos/1063817184377813/).**

Анын айтымында, буга чейин Түркмөнстанда болгон чаң сапырылган катуу шамалдан улам электр чордондорунун иши татаалдаган. Ошондой эле Өзбекстандын энергетика тармагында да авариялык абал жаралган.

> «Бүгүнкү күндө Түркмөнстандан келбей калган электр энергиясынын себеби түркмөн жеринде кум учурган шамал болгондуктан, линияда авария болду. Ошол себептен улам Түркмөнстан электр энергия берүүнү убактылуу токтотту. Аны менен бирге суук түшкөндөн Өзбекстанда дагы транзит кылган 500 киловаттык линиялардын эки жеринде авария болгон. Ремонт иштери бүткөн соң кайра келе баштайт», – деди ал.

Таалайбек Ибраев учурда 2022-жылы Түркмөнстандан алына турган электр энергиясын өткөрүп берүү келишимин түзүү иштери жүрүп жатканын кошумчалады.

Эскерте кетсек, республикадагы энергетикалык кризиске байланыштуу Кыргызстан Түркмөнстандан электр энергиясын алып жаткан. Кол коюлган келишимге ылайык, 2021-жылдын августунан декабрына чейин Түркмөнстан КРга 501.9 млн кВт.саат электр энергиясын бериш [керек болчу.](http://localhost/info-portal/kyrgyzcha/2021/09/10/zhyldyn-ayagyna-chejin-3-mlrd-kvt-s-chejin-elektr-energiyasynyn-tartyshtygy-k-t-l-t/)