> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Каржы министрлиги «Газпромбанк» менен келишимдерди банктык коштоо боюнча макулдашты
- URL: https://im.kg/all/2021/11/23/karzhy-ministrligi-gazprombank-menen-kelishimderdi-banktyk-koshtoo-bojuncha-makuldashty/
- Published: 2021-11-23T10:31:35.000Z
- Updated: 2023-05-31T04:27:28.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Экономика министрлиги «Газпромбанк» менен мамлекеттик долбоорлорду жана программаларды ишке ашырууда контракттардын банктык коштоосун киргизүү максатында Кызматташуу жөнүндө меморандумга кол койду. 22-ноябрда меморандумга Финансы министри Алмаз Бакетаев, «Газпромбанк» акционердик коому тараптан Аткаруучу вице-президент – контракттардын банктык коштоосу департаментинин начальниги Олег Мельников кол койду.**

Министрликтин берген маалыматына ылайык, бул документке Москва шаарына жумушчу сапарынын алкагында Министрлер Кабинетинин Төрагасы Акылбек Жапаровдун «Газпромбанк» акционердик коомунун башкармалыгынын биринчи вице-президенттери жана мүчөлөрү Денис Камышев жана Алексей Попович менен жолугушуусу учурунда кол коюлган.

Сүйлөшүүлөрдүн жүрүшүндө КРнын мамлекеттик сатып алуулар жана аталган тармакты өркүндөтүү жаатындагы улуттук мыйзамдарды өзгөртүү боюнча жүргүзүлүп жаткан иштер алкагында контракттарды трансулуттук банктык коштоо жаатында «Газпромбанктын» тажрыйбасын жана технологиясын пайдалануу маселеси талкууланды

Тараптар аркылуу ошондой эле банктык коштоо кызматын илгерилетүү боюнча келечектеги өз ара аракеттенүүнүн, мамлекеттик сатып алууларды каржылоо механизмдеринин, эмгек мигранттарынын РФдан КРга төлөмдөрдү жүргүзүү тутумун өркүндөтүүнүн айрым маселелери козголду.