Бюллетендердин 20% кол менен саналып бүттү – «Ынтымак» партиясы алдыда

Бүгүн 30-ноябрда эрте мененки саат 09:05ке карата парламенттик шайлоодогу бюллетендердин 19.53%ы кол менен саналып бүттү.

Шайлоонун баштапкы жыйынтыгына ылайык, учурда алты партия 5%дык босогодон өтүп, шайлоодо утканы айтылууда. Акыркы жыйынтык бюллетендер кол менен саналып бүткөндө чыгат. 

БШКнын маалыматтык базасы көрсөткөндөй, 2494 шайлоо тилкесинин 487 бюллеттендер эсептелген. Ал эми автоматташтырылган системада 97% ашуун бюллетень саналган.

Берилген маалыматтарга ылайык, алдыда:

• «Ынтымак» – 13.3%

• «Ата-Журт Кыргызстан» – 12.87%

• «Ишеним» – 11.22%

• «Ыйман Нуру» – 7.32%

• «Эл Үмүтү» – 6.98%

• «Альянс» – 6.2%

• «Азаттык» – 4.14% менен келе жатышат.