> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Министрлер кабинети 9 га жерди «Кыргыз Петролеум Компаниге» 49 жылга берүү боюнча билдирүү жасады
- URL: https://im.kg/all/2022/03/14/ministrler-kabineti-9-ga-zherdi-kyrgyz-petroleum-kompanige-49-zhylga-ber-bojuncha-bildir-zhasady/
- Published: 2022-03-14T11:02:26.000Z
- Updated: 2023-05-31T05:49:19.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Министрлер кабинети 9 га жерди «Кыргыз Петролеум Компаниге» 49 жылга акысыз пайдаланууга берүү мүмкүндүгү боюнча билдирүү жасады.** 

> Кабинеттин берген маалыматына таянсак, аталган жер тилкеси «Кыргыз Петролеум Компани» ЖАКтын нефтини кайра иштетүүчү заводунун өндүрүшүн модернизациялоодо пайдаланылат.

[Economist.kg](http://localhost/info-portal/) буга чейин [маалымдагандай](http://localhost/info-portal/novosti/2022/03/10/kyrgyz-petroleum-kompani-bezvozmezdno-poluchit-zemelnyj-uchastok-v-dzhalal-abade-kompaniju-vozglavlyaet-plemyannik-tashieva/), Экономика министрлиги Жалал-Абад шаарындагы жер тилкесин «Кыргыз Петролеум Компани» ЖАКына **49 жылга бекер пайдаланууга берүүнү** сунуштаган. Аталган токтомдун долбоору Министрлер кабинетинин сайтында жарыяланган болчу.

> Белгилей кетсек, «Кыргыз Петролеум Компани» «Кыргызнефтегаз» ААКтын (мамлекеттик үлүшү 85%) туунду ишканасы болуп саналат. Улуттук коопсуздук боюнча мамлекеттик комитеттин (УКМК) башчысы **Камчыбек Ташиевдин жээни Байгазы Матисаков** «Кыргыз Петролеум Компани» [ишканасынын директору](http://localhost/info-portal/novosti/2021/12/20/prezident-poruchil-modernizovat-kyrgyz-petroleum-kompani/) болуп иш алпарат.

Бүгүнкү күндө «Кыргыз Петролеум Компани» ЖАК жана «Элдик» мамлекеттик ишканасынын ортосунда аталган жер тилкесине мөөнөтү 10 жылга узак мөөнөттүү ижара келишими түзүлгөн.