> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# «Айыл Банк», «РСК», «Керемет» банктары кийинки комитеттин жыйынына чакырылат – дыйкандарда кредит алууда көйгөйлөр жаралууда
- URL: https://im.kg/all/2022/03/28/ajyl-bank-rsk-keremet-banktary-kijinki-komitettin-zhyjynyna-chakyrylat-dyjkandarda-kredit-aluuda-k-jg-jl-r-zharaluuda/
- Published: 2022-03-28T11:57:11.000Z
- Updated: 2023-05-30T06:02:54.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Бүгүн, 28-мартта өткөн Агрардык саясат, суу ресурстары, экология жана регионалдык өнүктүрүү боюнча комитетинин [жыйынында](https://www.youtube.com/watch?v=YI%5F0-1rfuQ8) депутаттар дыйкандарга насыя берген банктардын ишмердигине нааразы болушту.**

Алардын айтымында, аймактарга үрөн барган, бирок жазгы талаа жумуштарын баштоо үчүн насыяларды берүү кечигүүдө. Анткени банктардагы кезек, алардын иштөө тартиби начар болууда.

Комитеттин төрагасы Аманкан Кенжебаев банктар дыйкандарга кредит бергенден кийин 6 айдан кийин биринчи төлөмү башталса жакшы болоорун, түшүм ала электе эле банктар сурап баштаарын айтты. 

> «Аймактар боюнча кредит берүүдө көйгөйлөр бар экен, комитеттин кийинки жыйынына «Айыл Банк», «РСК», «Керемет» банктардын өкүлдөрүн чакыралы, ар бир регион боюнча маалымат сурайлы», – деп кошумчалады Кенжебаев. 

Депутаттар ал банктарга кошуп, каражаттарды бөлүштүргөн Улуттук банктын өкүлүн да кошо чакырууну суранышты.