> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Бийлик бюджетти колдоо үчүн Азия өнүктүрүү банкынан 50 млн доллар алат
- URL: https://im.kg/all/2022/04/01/bijlik-bjudzhetti-koldoo-ch-n-aziya-n-kt-r-bankynan-50-mln-dollar-alat/
- Published: 2022-04-01T10:28:25.000Z
- Updated: 2022-09-04T22:07:45.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Финансы министри Алмаз Бакетаев март айында Азия өнүктүрүү банкынын (АӨБ) директорлор кеңешинин аткаруучу директору Ариф Бахарудин менен жолугушканын министрликтин маалымат кызматы кабарлаган болчу.**

Маалым болгондой, тараптар 2022-2024-жылдарга пландаштырылган долбоорлорду ишке ашыруу үчүн АӨБ тарабынан жардам алуу маселелерин талкуулашкан.

> Ошондой эле АӨБ каржылай турган артыкчылыктуу долбоорлор белгиленип, анын ичинде 2022-жылы Экономиканы диверсификациялоо программасын ишке ашыруунун алкагында **50 млн доллар** өлчөмүндө жардам алуу каралган.

Аны менен бирге электр унааларын жана энергиянын кайра жаралуучу булактарын пайдалануу боюнча долбоорлорду ишке киргизүү жана ага эксперттерди тартуу талкууланган.

Жолугушуунун жыйынтыгында тараптар кызматташтыкты биргелешип өнүктүрүү жана алдыдагы эки тараптуу долбоорлорду ишке ашыруу боюнча макулдашышкан.