КРнын комбанктарынын депозиттик портфелинин үлүшү беш жыл ичинде 10.6%га өстү
Акыркы беш жылда депозиттик портфелдин үлүшү ИДПга карата 23%дан 33.6%га чейин өстү, бул экономикалык агенттердин банк тутумуна жана улуттук валютага болгон ишенимин көрсөтүп турат. Бул тууралуу Экономика жана коммерция министри Данияр Амангелдиев «Заманбап шарттарда КРнын финансы секторун өнүктүрүү» конференциясында сүйлөгөн сөзүндө билдирди.
Ал ошондой эле ишканалардын жана калктын насыялык капиталга болгон муктаждыгы да өсүп жатканын белгиледи. Көрсөтүлгөн мезгилде кредит портфелинин үлүшү ИДПга карата 20.4%дан 25.1%га чейин өскөн.
«Улуттук банктын аркасында калктын өлчөнгөн алтын куймаларынын жана жеке менчиктештирилген металл эсептеринин жардамы менен акчаны альтернативдүү үнөмдөө мүмкүнчүлүгү бар экенин белгилегим келет», – деди министр.
