> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Автоунаалардын алдыңкы каптал айнектерин күңүрттөөнүн акысы белгиленди – 80-120 миң сом
- URL: https://im.kg/all/2022/05/23/avtounaalardyn-aldy-ky-kaptal-ajnekterin-k-rtt-n-n-akysy-belgilendi-80-120-mi-som/
- Published: 2022-05-23T16:46:54.000Z
- Updated: 2023-05-30T11:38:04.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Автотранспорт каражаттарынын алдыңкы каптал айнектерин күңүрттөө үчүн акы төлөө жана уруксатты каттоо тартиби бекитилди. Бул тууралуу минкабдын маалымат кызматы билдирди.**

ИИМдин **«Унаа»** мамлекеттик мекемеси автотранспорт каражаттарынын алдыңкы эшиктеринин каптал айнектерин караңгылатууга уруксатты тариздөө боюнча **ыйгарым укуктуу орган** болуп дайындалды.

Автотранспорт каражаттарынын алдыңкы каптал айнектерин караңгылатуу үчүн акы төлөөнүн жана уруксатты тариздөөнүн тартибине ылайык, транспорт каражаттарынын алдыңкы каптал айнектерин караңгылатууга уруксат үчүн жыйым төмөнкүдөй өлчөмдөрдө алынат:

- резидент-жеке адамдар үчүн 800 эсептик көрсөткүч ( 80 миң сом)
- юридикалык жактар үчүн 1000 эсептелген көрсөткүч (100 миң сом)
- резидент эместер үчүн 1200 эсептешүү көрсөткүчү (120 миң сом).

Автотранспорт каражаттарынын алдыңкы каптал айнектерин караңгылатууга уруксат үчүн төлөм накталай акча каражаттарын салуу же республикалык бюджетке которуу жолу менен жүргүзүлөт.

> Уруксат **1 жылдык мөөнөткө берилет**, эгерде менчик ээси уруксаттын мөөнөтү аяктаганга чейин колдонуудан баш тартса, төлөнгөн жыйым уруксатты пайдалануу мөөнөтүнө карабастан кайтарылбайт.

Жүргүнчүлөрдү ташыган жеңил автомобилдерден (таксиден) башка М-1 категориясындагы транспорт каражаттарын тонировкалоого уруксат берилет.

Ошондой эле белгилей кетүүчү нерсе, транспорт каражаттарынын алдыңкы эшиктеринин каптал айнектерин караңгылатууда арыз ээсинин каалоосу боюнча жарык өткөрүү коэффицентине чектөөсүз жол берилет.