> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# «Сбербанк» Кыргызстанга акча которууда алынуучу комиссияны жокко чыгарды
- URL: https://im.kg/all/2022/08/10/sberbank-kyrgyzstanga-akcha-kotoruuda-alynuuchu-komissiyany-zhokko-chygardy/
- Published: 2022-08-10T15:01:04.000Z
- Updated: 2023-05-31T04:55:16.000Z
- Author: Назира Абдиева
- Tags: #Жаңылыктар, #Import 2025-07-22 12:57

**“Сбербанк” Кыргызстан менен Өзбекстанга акча которууда комиссияны жокко чыгарды. Бул тууралуу аталган банктын маалымат кызматы билдирди.**

1-августтан баштап банктын кардарлары Кыргызстан менен Өзбекстандагы туугандарына жана жакындарына орус рублин комиссиясыз которуу мүмкүнчүлүгүнө ээ болушат. 

> “Кызмат **“СберБанк Online” тиркемесинде телефон номери боюнча** жергиликтүү банктардын карталарына которууда жеткиликтүү”, – деп билдирди банктын маалымат кызматы.

Учурда Кыргызстанда сервистер “Бакай Банк”, FINCA Банк, “МБанк”, “Керемет Банк”, “Компаньон Банк”, ошондой эле “ЭЛСОМ” ​​жана “О! Акчада” бар.

Ошондой эле банктан “СберБанк Online” мобилдик тиркемеси аркылуу КМШнын башка өлкөлөрүнө 1% комиссия менен акча которууларды жүргүзүүгө болорун кошумчалашты.

> «Россиядан коңшу өлкөлөргө акча которууда суроо-талаптын өсүп жатканын эске алып, биз Өзбекстандын жана Кыргызстандын финансы институттары менен Россиядан комиссиясыз которуу мүмкүнчүлүгү боюнча макулдашууга жетиштик. Телефон номери боюнча которуу кызматы чоң суроо-талапка ээ жана кардарларга акча каражаттарын тез жана коопсуз которуу жагат. Өз жарандары үчүн нөлдүк төлөм которуу кызматын көрсөтүүгө даярдыгы Өзбекстандан жана Кыргызстандан тышкары жерлерде да суроо-талапка ээ болот деп ишенем», – деди “Сбербанктын” төлөмдөр жана которуулар бөлүмүнүн директору Леонид Шныр.