Бишкекте үйлөр мындан ары да кымбаттай берет

«Эмарк Групп» курулуш компаниясынын жетекчиси Чолпонбек Акматов Economist.kg-ге россиялыктардын Кыргызстанга агылып келишинен улам ижаранын жана кыймылсыз мүлктүн баасынын көтөрүлүшү тууралуу айтып берди.

Анын айтымы боюнча, ижара акысы чындап эле дээрлик эки эсеге кымбаттаган. Ал эми сатылып жаткан турак жайларды алсак, эскирээк батирлердин баасы кескин көтөрүлдү деп эсептейт эксперт.

«Жаңы үйлөрдүн баасы да көтөрүлөт, бирок жайыраак. Акыркы жылдары көптөгөн факторлор пайда болду: пандемия, Россиядагы жана Украинадагы кырдаал. Ал эми болжолдоолор боюнча кыймылсыз мүлктүн кымбатташы уланат. Чыгымдар өсүп, логистикалык система да бузулду, анткени учурда өлкөлөрдүн экономикасы өзгөрүп, жаңыча түзүлүп жатат», – деди Акматов.

Мындан тышкары, анын айтымында, курулуш материалдары орточо эсеп менен бир чарчы метрине 150 долларга кымбаттаган. Кыргызстан аларды негизинен Россиядан сатып алгандыктан, бааларга Россияга каршы киргизилген санкциялар таасир эткен.

Эскерте кетсек, буга чейин Economist.kg маалымдагандай, house.kg сайтынын аналитиктеринин айтымында, Бишкектеги батирлердин орточо баасы акыркы айда 168 долларга өсүп, 866 долларды түзгөн, бул бүткүл байкоолордун тарыхындагы абсолюттук рекорд.

Россиялыктардын келиши Кыргызстандын экономикасына тийгизген таасири тууралуу кененирээк материалыбыздан окуңуз:

Россиялыктардын агылып келиши Кыргызстандын экономикасына кандай таасир этет?