> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Кыргызстанда накталай эмес төлөмдөр 43%га, ал эми орточо чек 35%га өстү - Visa
- URL: https://im.kg/all/2022/10/21/kyrgyzstanda-naktalaj-emes-t-l-md-r-43-ga-al-emi-ortocho-chek-35-ga-st-visa/
- Published: 2022-10-21T11:55:50.000Z
- Updated: 2023-05-03T10:20:54.000Z
- Author: Бактынур Абдиева
- Tags: #Жаңылыктар, #Import 2025-07-22 12:57

**Акыркы бир жылдын ичинде Кыргызстанда он транзакциянын тогузун контактсыз төлөмдөр түзгөн. Бул тууралуу Visa корпорациясынын вице-президенти жана Борбордук Азия жана Азербайжан боюнча аймактык өкүлү Кристина Дорош e-Commerce Expo 2022 форумунда билдирди.**

Анын айтымында, быйылкы жылдын үчүнчү кварталынын жыйынтыгы боюнча Кыргызстанда накталай эмес төлөмдөр 43%га, ал эми орточо чек 35%га өскөн.

> «Электрондук коммерция – бул ири соодагерлер гана эмес, ага Кыргызстандагы чакан жана орто бизнес да кирет. Электрондук коммерциясыз алар эл аралык рынокко чыга алмак эмес. Кыргызстан жана Борбордук Азия стратегиялык жактан маанилүү рынок. Накталай эмес төлөмдөрдүн өсүшү өлкөгө ири ретейлерлердин (соодагерлерди) алып келет», – деп баса белгиледи Дорош.

Улуттук банктын маалыматы боюнча, Кыргызстанда 1.5 миллиондон ашык Visa төлөм карталары бар. Былтыртан бери карталардын саны 500 миңге көбөйгөн. Бул негизинен Бишкек жана Ош облусунда байкалат.