2025-жылга чейин кыргызстандыктардын орточо айлык акысы 29 миң сомдон ашат

Кыргызстанда орточо айлык маяна 2023-жылда 25 миң сомду түзүп, 2025-жылы 29.3 миң сомго чейин жогорулайт. Бул тууралуу Финансы министрлигинин 2023-жылдын бюджети боюнча долбоорунда айтылат.

Ведомствонун болжолдоолоруна ылайык, 2023-2025-жылдарга карата калктын кирешесинин өсүүсү уланат: жалпысынан 722.8 млрд сом, 799.1 млрд сом жана 873.3 млрд сомду түзөт.

Ал эми киши башына ИДП 2023-жылы 1.5 миң долларды түзүп, 2025-жылга чейин 1.7 миң долларга чейин өсөт.