> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Мамлекеттик органдар 2023-жылы бизнести жана банктарды текшербейт
- URL: https://im.kg/all/2022/11/22/mamlekettik-organdar-2023-zhyly-biznesti-zhana-banktardy-teksherbejt/
- Published: 2022-11-22T09:31:33.000Z
- Updated: 2023-05-03T10:37:06.000Z
- Author: Бактынур Абдиева
- Tags: #Жаңылыктар, #Import 2025-07-22 12:57

**2023-жылдын 1-январынан 31-декабрына чейин ишкерлерди текшерүүгө убактылуу мораторий киргизилди. Тиешелүү жарлыкка президент Садыр Жапаров кол койгонун өлкө башчынын басма сөз кызматы билдирди.**

Министрлер кабинетине кичи, орто жана ири бизнести, ошондой эле коммерциялык банктарды укук коргоо органдары жана текшерүү жүргүзүүгө укугу бар ыйгарым укуктуу органдар жүргүзө турган текшерүүлөргө убактылуу тыюу салууну киргизүү тапшырылды.

Укук коргоо органдарынын, ишканаларды текшерүүгө укугу бар органдардын кызматкерлеринин негизсиз текшерүү жүргүзүшү, ошондой эле кызматтык ыйгарым укуктарын жеке пайдасы же башка кызыкчылыктары үчүн колдонуп, текшерүү жүргүзүшү олуттуу зыян келтирип жатканы аныкталды. Эми мындай иш чаралар текшерилип жаткан субъекттердин укуктарына жана мыйзамдуу таламдарына, мамлекеттик же коомдук таламдарга зыян келтирүү, **кызматтык милдеттерин талаптагыдай аткарбоо катары каралып,** кызмат адамдарын тартиптик жоопкерчиликке тартууга, ошондой эле **кызматтан бошотууга чейин алып келет**.