> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Ошто 200 млн долларлык жер семирткичтерди чыгаруучу заводдун курулушу башталды
- URL: https://im.kg/all/2022/12/16/oshto-200-mln-dollarlyk-zher-semirtkichterdi-chygaruuchu-zavoddun-kurulushu-bashtaldy/
- Published: 2022-12-16T11:21:20.000Z
- Updated: 2022-12-16T11:21:23.000Z
- Author: Назира Абдиева
- Tags: #Жаңылыктар, #Import 2025-07-22 12:57

**Ош облусунун Ноокат районунда 200 млн долларлык жер семирткичтерди чыгаруучу заводдун курулушунун биринчи этабы башталды. Бул тууралуу “Кабар” агенттиги билдирди.**

Кытайлык инвесторлор менен биргеликте Ноокат районундагы 100 гектар жерге жер семирткич чыгаруучу завод куруу долбоору иштелип чыккан. Кечээ, 15-декабрда курулуш иштерине даярдыктар башталды.

> Долбоордун жалпы баасы **200 млн долларды** түзөт. Курамында азот, фосфор жана калий бар аралаш жер семирткич Беш-Буркан жана Абшир карьерлеринде көмүр чаңын (гумин) пайдалануу менен өндүрүлөт. Заводдун кубаттуулугу жылына 300 миң тоннаны түзөт.

Долбоорду онлайн форматта ишке киргизүү иш-чарасына Кытайдан келген инвесторлор, министрлер кабинетинин төрагасынын орун басары Эдил Байсалов, президенттин Ош облусундагы өкүлүнүн биринчи орун басары Данияр Жаныкулов, КРын Өкмөтүнүн Аппаратынын жетекчисинин орун басары Данияр Жаныкулов катышты. Ноокат райондук мамлекеттик администрациясы Данир Иманалиев жана жергиликтүү тургундар катышты.