«Манас аэропорту» өзүнүн пансионатын аутсорсингге берет

Чынгыз Керимбеков -

«Манас аэропорту» өзүнүн пансионатын оперативдүү башкарууга берүүнү жарыялады (аутсорсинг). Бул тууралуу маалымат кызматы билдирди.

Такталгандай, «Манас» эл аралык аэропорту» ААК өзүнө таандык Ысык-Көл облусундагы Бостери айылында жайгашкан пансионатын берет.

Объекттер:

  • 3 кабаттуу «Манас» аэропорту» пансионаты – 155 орун;
  • 5 кабаттуу “Асыл-Таш” корпусунун 2-кабаты – 72 орун;
  • пансионаттын аймагындагы ашкана  — 80 орундук.

Шарттары:

  • 3 айлык мөөнөткө оперативдүү башкарууга берүү (2023-жылдын июнь айынан август айына чейин);
  • Аутсорсер жумушту уюштуруу үчүн кызматкерлерди ишке кабыл алууну өз алдынча жүргүзөт;
  • «МЭА» ААКнын прейскурантында бекитилген баа боюнча «МЭА» ААКнын кызматкерлеринин арыздарынын негизинде милдеттүү түрдө жайгаштыруу;
  • Төлөмдүн 50%ы келишим түзүлгөндөн кийин 5 банктык күндүн ичинде жүргүзүлөт, калган 50% аутсорсер тарабынан 2023-жылдын 31-августуна чейин төлөнөт;
  • Бардык чыгымдарды аутсорсинг өзү көтөрөт;
  • Келишим аяктагандан кийин бардык объектилер «МЭА» ААКга өткөрүлүп берилет.

Сунуштарды жана табыштамаларды 2023-жылдын 18-апрелине чейин manas.smto@gmail.com электрондук дарегине жөнөтсө болот.