> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Бишкектин мэриясы чыгыш багытында каттаган таксилердин баарын Батыш автобекетинен Чыгыш автобекетине өткөрөт
- URL: https://im.kg/all/2023/04/10/bishkiektin-meriiasy-chyghysh-baghytynda-kattaghan-taksilierdin-baaryn-batysh-avtobiekietinien-chyghysh-avtobiekietinie-otkorot/
- Published: 2023-04-10T08:58:00.000Z
- Updated: 2023-04-21T09:12:17.000Z
- Author: Бактынур Абдиева
- Tags: #Жаңылыктар, #Import 2025-07-22 12:57

**Борбор шаардын мэриясы чыгыш багытында каттаган шаарлар аралык жүргүнчү ташуучу таксилерди Батыш автобекетинен Чыгыш автовокзалына өткөрүүнү көздөөдө. Бул шаардагы коопсуздукту камсыздоо жана жол кыймылын иретке келтирүү жана Батыш автобекетинин айланасындагы башаламан токтоону жоюу максатында жасалып жатканын мэрия түшүндүрдү.**

Ошентип, чыгыш багытында: Ысык-Көл, Нарын, Токмок, Кеминге ж.б. жүргүнчүлөрдү ташуучу бардык такси каттамдары Чыгыш автобекетине өткөрүлөт. Батышка карай каттамдар Батыш автобекетинде кала берет. Бул Суусамыр, Талас, Жалал-Абад, Ош, Баткенге ж.б. каттамдар.

> Батыш автобекетинин администрациясы **Economist.kg** басылмасына берген түшүндүрмөсүнө ылайык, транспорттук компанияга тиешеси жок жүргүнчүлөрдү ташыган таксилер гана которулат. Шаарлар аралык автобустардын жана маршруттук микроавтобустардын иштеп жаткан маршруттары Батыш автобекетинде кала берет.

Мэрия Батыш автобекетинде тартипти калыбына келтирүү иштери башталганын кабарлады: азыркы учурда бордюрлар орнотулууда, бошогон муниципалдык жер тилкеси көрктөндүрүлүп, эреже бузуулар катталып, унаа токтотуучу жайга видеокөзөмөл камералары орнотулат. Иштин качан бүтөөрүн, ошондой эле чыгыш багытында каттаган таксилер качан толук көчүрүлүп бүтөөрүн мэрия айткан жок.