Кыргызстандык ишкерлер үчүн Ozon маркетплейсинин бет ачары өтөт

14-апрелде саат 10:30да Бишкек шаарында Ozon аталган эң ири россиялык маркетплейстердин биринин практикалык конференция-презентациясы өтөт. Бул тууралуу Экономика министрлигинин басма сөз кызматы билдирди.

Маалым болгондой, презентациянын алкагында кыргызстандык ишкерлерге өлкөдөгү онлайн-базарларды өнүктүрүү боюнча алдыда боло турган иш-чаралар, ошондой эле өз товарларыңды Ozon соода аянтчасына алып чыгуу жана кызматташуунун башка формалары тууралуу айтылат.

Иш-чаранын алкагында Кыргызстанда электрондук коммерцияны өнүктүрүү боюнча да талкуу болот.

Иш-чарага өз продукциясын сатууну пландаган, ошондой эле бул маркетплейс менен бирге кабыл алуу пункттарын ачууну каалаган бардык кызыкдар ишкерлер чакырылат.

• Бет ачар өтүүчү жер: Novotel, Бишкек шаары, Манас проспектиси, 16.
• Катышуу бекер. Иш-чарага бул жерден катталса болот.