> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Мектепке чейинки билим берүү уюмдары үчүн салык кызматында катталуу жөнөкөйлөшөт
- URL: https://im.kg/all/2023/04/11/miektiepkie-chieiinki-bilim-bieruu-uiumdary-uchun-salyk-kyzmatynda-kattaluu-zhonokoiloshot/
- Published: 2023-04-11T09:23:00.000Z
- Updated: 2023-04-21T09:27:02.000Z
- Author: Бактынур Абдиева
- Tags: #Жаңылыктар, #Import 2025-07-22 12:57

**Бишкек шаарынын ишкерлерин тейлөө борборунда «Өкмөттүк акселераторлор» программасын ишке ашыруунун алкагында ведомстволор аралык жумушчу топ кезектеги жыйын өткөрүп, жеке ишкерлерди салыктык каттоо жол-жоболору менен таанышты. Бул тууралуу Салык кызматы билдирди.**

Мамлекеттик салык кызматынын кызматкерлери иш жүзүндө арыз берүүдөн баштап тиешелүү документтерди алганга чейин жеке жакты жеке ишкер катары салыктык каттоо боюнча бардык процессин көрсөтүштү.

Белгилей кетсек, жооптуу ведомстволор аралык жумушчу топтун алдында калкка мектепке чейинки билим берүү кызматтарын көрсөткөн жеке ишкерлерди каттоо методикасын иштеп чыгуу милдети турат.

«Өкмөттүк акселераторлор» программасы 100 күндүн ичинде чечилүүгө жана ишке ашырылууга муктаж болгон актуалдуу тармактык маселелерди аныктайт.