> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Баткен облусунда 80ге жакын үй курулуп бүтө элек
- URL: https://im.kg/all/2023/04/14/batkien-oblusunda-80ghie-zhakyn-ui-kurulup-buto-eliek/
- Published: 2023-04-14T10:44:00.000Z
- Updated: 2023-04-21T10:52:24.000Z
- Author: Бактынур Абдиева
- Tags: #Жаңылыктар, #Import 2025-07-22 12:57

**14-апрелде Жогорку Кеңештин «Ишеним» фракциясы 2022-жылдын сентябрындагы чек ара урушунда талкаланган үйлөрдү куруу, Баткен районунун аймагындагы инфраструктуралык объектилерди реконструкциялоо жана социалдык объектилерди оңдоо маселесин карады. Бул тууралуу парламенттин басма сөз кызматы билдирди.**

Мамкурулуштун директорунун орун басары Азирет Акимовдун айтымында, 2022-жылы Баткен облусунун Тажикстандын чек арага кол салуу кесепетинен 638 турак-жай жана 27 социалдык объект жараксыз абалга келген.

> «Учурда Баткен облусунда 417 үй курулуп жатат, анын 316сы Баткен районунда, жүзү Лейлек районунда жана бир үй Баткен шаарында», — деди Акимов. Ошондой эле ал 332 үйдүн бүткөнүн, 60 үйдүн ички дубалы тургузулуп жатканын, 18 объекттер чатыр жасалып жатканын кошумчалады.

Депутаттар калган үйлөрдүн курулушу качан бүтөөрүн сурашканда, Акимов бүтүрүү мөөнөтү 1-майга жылды деп жооп берди.

Ошондой эле Акимов 2023-жылга карата Кыргызстанда социалдык объектилерди куруу пландары тууралуу маалымат берди.

> «2023-жылга «Капиталдык салымдар» статьясы боюнча 237 объектинин тизмеси бекитилди, 86 социалдык мекемеде капиталдык оңдоо иштери жүргүзүлөт, 50сүндө — ичүүчү суу менен камсыздоо системасы жасалат, 88 объекттин долбоордук документтерин иштелип чыгат», — деп айтты.

Депутат Марат Мураталиев капиталдык салымдарга бөлүнгөн бюджетке кызыгып, ага финансы министринин орун басары Жибек Дүйшеева социалдык объектилерге 1.35 млрд сом каралганын айтып жооп берди.