Улуттук банк дагы интервенция өткөрүп, 46.1 млн доллар сатты

13-апрелде Кыргызстандын Улуттук банкы валюта рыногунда 46.1 млн доллар сатты. Бул тууралуу регулятордун расмий сайтында маалымдалды.

Анын ичинен Улуттук банк 7.55 млн долларды бүтүм түзүлгөн күнү эсептешүү менен сатты. Калган 38.55 млн доллар валюта боюнча эсептешүүлөр бүтүм жасалган күндөн башка датада ишке ашат.

Бул Улуттук банктын быйылкы жылдын эсебинен жетинчи интервенциясы экенин кошумчалайбыз. Акыркы жолу регулятор рынокко 31-мартта чыгып, 45.2 млн доллар саткан. Жалпысынан 2023-жылы Улуттук банк валюта рыногунда 353.47 млн доллар саткан.

Эске салсак, өткөн жылы Улуттук банк валюта рыногунда 15 жолу интервенция жасаган. Анын ичинен сегизи жалпысынан 486.5 млн долларга чет элдик валютаны сатуу жана жети интервенция 190.7 млн долларды сатып алууга багытталган.