Ноокатта «Кадастрдын» кызматкерлери 65 гектарды мыйзамсыз беришкен

Чынгыз Керимбеков -

Ноокат районунда 65 гектардан ашык жер аянты жеке турак жай куруу үчүн мыйзамсыз берилген. Бул тууралуу УКМК билдирди.

Маалыматка ылайык, жер тилкелери Ош облусунун Ноокат районундагы Жаңы-Ноокат жана А.Мирмахмудов айыл аймактарында жайгашкан. Алар жеке турак жай куруу үчүн айыл чарба жерлерин жер тилкелерине трансформациялоосуз жер тилкелерин мыйзамсыз берилген.

«Бул факт боюнча, Ош облусунун Ноокат райондук «Кадастр» мамлекеттик мекемесинин жооптуу кызматкерлери, жоопкерчиликтен качуу максатында УКМКнын кызматкерлерине пара берүүгө аракет кылышкан», - деп мекеме белгиледи.

2023-жылдын 2-июнунда КР УКМК кызматкерлери Ноокат районунун «Кадастр» мамлекеттик мекемесинин жерге жайгаштыруу бөлүмүнүн башчысы Н.М. жана жетектөөчү адис К.у.К. УКМКнын кызматкерине 200 миң сом өлчөмүндө акча каражатын пара катары берип жаткан учурунда кармалышты.

Кармалгандар Ош шаардык ИИБ убактылуу кармоочу жайына киргизилди.