Баткенге ипотекалык үйлөр курулат – турак жайлар пайдаланууга 2024-жылы берилет

Мамлекеттик ипотекалык компаниясы, Баткен облустук курулуш жана инженердин инфраструктура башкармалыгы, Баткен районунун Ак-Сай айыл аймагы ипотекалык үйлөрдү куруу боюнча үч тараптуу келишимге кол коюшту. Бул тууралуу  КРнын президентинин Баткен облусундагы ыйгарым укуктуу өкүлүнүн басма сөз кызматы билдирди.

Маалыматка ылайык, 20 турак үй Баткен районун Ак-Сай айыл аймагынын Таш-Дөбө участкасына курулат. Алар турак жери 12сотыхтан болгон жер тамдар болот. Ушундай эле 29 үй Лейлек районунун Кулунду айыл аймагына да курулат.

Мамлекеттик ипотека 25 жылга 4% менен берилет. Бул үйлөрдү турак жайы жок, муктаж жарандар ала алат. Учурда документтештирүү иштери жүрүүдө.

Күз айларында курулушту баштоо, 2024-жылга үйлөрдү пайдаланууга берүү пландалууда.