Бишкекте "Бакай Банктын" алгачкы жашыл филиалы ачылды
Бүгүнкү күндө экологияга кам көрүү – бул экологдор жана активисттер эле эмес, ири бизнес дагы көңүл буруп чече турган маанилүү маселе болуп калды. "Бакай Банк" финансылык ишмердикти, жашыл экономиканы жана климаттык саясатты эриш-аркак алып барса болоруна өз иши менен үлгү көрсөттү.
Бишкек шаарында Чыңгыз Айтматов проспектиси 243 дарегинде Bakai Bank Green алгачкы жашыл кеңсеси ачылды.
Компаниянын жетекчилигинин айтуусунда, бул уникалдуу филиалдын орду кокусунан эле тандалып алынган жок. Филиал “Ынтымак” сейил багынын жанынан орун алган. Мунун өзү борбор калаабыздын жашыл аймактарын коргоо өтө маанилүү экендигин айгинелеп турат.
Филиалдын ачылыш аземинде алгачкы сөз Кыргызстандын Банктар союзунун президенти, 25 жыл мурда “Бакай Банктын” жаралуу тарыхына күбө болгон Анвар Абдраевге берилди.
“Банк өлкөбүздүн рыногуна дымактуу максат коюп, ишенимдүү кадам менен кирген болчу. Ошол замат эле көптөгөн көрсөтүчтөр боюнча лидерлердин бири болуп калды. Жашыл филиалдын ачылышы бүгүнкү күнү эле жүзөгө ашып калган иш эмес, бул иш 25 жыл мурда башталган болчу. Бүгүн болсо бул окуя Бакай Банктын өлкөбүздүн экономикасын өнүктүрүүгө багытталган натыйжалуу жана жемиштүү ишмердигинин кезектеги этабы болуп калды”, - деди өз сөзүндө Анвар Абдраев.
Климатты сактоо аң сезими жана иш алып баруунун туруктуулугу олуттуу мааниге ээ болуп бара жаткан заманда Банк алдыга карай чечкиндүү кадам жасады.
Курчап турган чөйрөгө келтирилчү зыянды азайтуу принциптери филиалдын ишинин өзөгүн түзөт:
● жарыктандырууда, жылытууда жана муздатууда энергиялык жактан натыйжалуу системаларды колдонуунун натыйжасында көмүр кычкыл газынын жана парниктик газдардын чыгышын азайтуу;
● кеңсе кагаздарын кайра иштетилген сырьедон жасалган кагаздарга же Токой камкордук көрүү кеңешинин схемасы боюнча сертификацияланган кагаздарга алмаштыруу;
● таштандыны түрүнө жараша өзүнчө бөлүп таштоо, аны алып чыгуу жана андан аркы кайра иштетүү маданиятын киргизүү;
● курмында хлор жана фосфат камтылган, тиричиликте колдонулуучу химияны пайдалануудан баш тартуу;
● пластик идиштерди нымга туруктуу картондон жасалган идиштерге алмаштыруу;
● пластик баштыктардан баш тартып, экологиялык таза баштыктарды пайдалануу;
● кызматтык унаа катары электромобилди колдонуу.
“Бакай Банк” өлкөбүздө экологиялык кырдаалды жакшыртуу боюнча демилгени биринчи жылы эле колдоп жаткан жери жок. Буга чейин жасалып бүткөн иштер тууралуу Банктын башкармасынын төрайымынын орун басары Нурдин Алыбаев айтып берди.
«Биз таксопарктар үчүн электромобилдерди сатып алууну каржыладык. «Тазалык» муниципалдык ишканасы менен ийгиликтүү кызматташып келебиз. «Бир кызматкер – бир дарак» принцибин негизге алып, өлкөбүздүн бардык аймактарында бак отургузууну демилгеледик. Банк газ менен иштөөчү жылыткычтарды бөлүп төлөө шарты менен пайызы жок сатып алуу мүмкүндүгүн сунуштайт, мунун өзү Бишкек шаарында түтүн маселесин чечүүдө зор мааниге ээ. Жашыл филиалдын ачылып жаткандыгына сыймыктанып тургандыгыбызды жашырбайм. Жамаатыбыз өлкөбүздөгү экологиялык абалын жакшыртуу үчүн болгон мүмкүнчүлүктөрүн жумшамакчы», - деди Банктын Башкармасынын Төрайымынын орун басары Нурдин Алыбаев.
"Бакай Банк" өлкөбүздүн алдыңкы финансылык мекемеси катары “экологиялык жана социалдык тобокелдиктерди тескөө боюнча саясатты” киргизген, ошондой эле кардарларга туруктуу жана экологиялык жооптуу ишканаларга инвестициялоого мүмкүндүк берүүчү инновациялык финансылык продуктуларды алгачкылардан болуп киргизген. Ал продуктуларга электромобилдерди сатып алууга берилчү кредиттер, социалдык жактан маанилүү ишканаларды колдоо максатында бизнес үчүн энергиялык жактан натыйжалуу деп саналган жана ресурстарды үнөмдөй турган чечимдер кирет.
“Банктын экологиялык маселелерге өзгөчө көңүл буруп, көптөгөн аракеттерди жасап жаткандыгы жагымдуу көрүнүш. Бүгүн биз кеңседе таштандыны түрүнө жараша топтоо жана курчап турган чөйрөгө келтирилчү зыяндарды төмөндөтүү принциптеринин киргизилишине күбө болуп турабыз. Компания биздин ишканабызга акысыз жардам көрсөтүү менен борбор калаабызды таштандыдан арылтуу иштерине олуттуу салымдарын кошуп келет”, – деп белгиледи “Тазалык” муниципалдык ишканасынын жетекчиси Рамиз Алиев.
Бүгүн Бишкек шаарыбызда жаңы жашыл кеңсе ачылып жаткандыгына кубанычтамын. Бүткүл дүйнөлүк тенденциялар Кыргызстанда дагы орун алып, биздин жашообуздун ажырагыс бөлүгү болуп бара жаткандыгы өтө зор мааниге ээ. “Бакай Банк” менен биздин ойлорубуз дал келип, жүз пайыз жергиликтүү капиталдан турган ири банктын ушундай заманбап кеңсеси пайда болгондугу жакшы саамай” – деп баса белгиледи Кыргызстандын Альпинисттер федерациясынын жетекчиси Эдуард Кубатов.
Банктын жетекчилигинин айтуусунда Green филиалы компаниянын баалуулуктарын тең бөлүшкөн жана экологиялык жактан жооптуу болууга умтулушкан кардарлары үчүн платформа болуп калмакчы.
Green филиалынын ачылышы туруктуулукка карата узак мөөнөттүү умтулуунун алгачкы гана кадамы. Банк коомубуздун экологиялык таза тарапка багыт алуусуна көмөк көрсөтүү үчүн жашыл демилгелерди мындан ары дагы өнүктүрүүгө жана кеңейтүүгө аракет көрө бермекчи.
Bakai Bank Green филиалына кош келиңиз, бул жерде банк ишмердиги жогорку ыкчамдыкка жана туруктуу өнүгүүгө дал келет.