«БАЙ ЭЛИМ КОМПАНИ» венгриялык компаниядан жабдууларды алууга 3 млн евролук долбоорго келишим түздү

Кыргызстандык «БАЙ ЭЛИМ КОМПАНИ» ЖЧКсы венгриялык Maurer Gep компаниясы менен айыл чарба продукциясын кайра иштетүү үчүн жабдууларды жеткирүү боюнча 3 млн евролук долбоорго келишим түздү. Бул тууралуу «Бай Элим» компаниясынын негиздөөчүсү Рысгүл Акимжанова Economist.kg басылмасына билдирди.

Акимжанова президент Садыр Жапаровдун Венгрияга болгон иш сапарынын алкагында уюштурулган Кыргыз-венгер бизнес форумунда аталган компаниянын өкүлдөрү менен кызматташуу боюнча келишим түзгөн.

«Биздин негизи долбоорубуз чоң, концентраттарды кайра иштетүү, консервация, кургатуу, тоңдуруу боюнча өзүнчө линиялар бар. Жалпы суммасы 3 млн еврону камтыган чоң долбоор.

Мына ошол долбоорго жабдууларды венгриялык компания этап-этабы менен жасап беришет. Биз азыртадан кезекке турабыз, бирок кезектер да ар түрдүү келет. Мисалы, концентрат жасоочу жабдуунун түзүмдөрү көп болгондуктан ал бираз кечирээк бүтөт. Ал эми кургатуучу машиналардыкы көлөмүнө жараша болот.

Биздин ишмердүүлүгүбүз мезгилге байланышкан, башкалардай 12 ай иштебейбиз, жайкысын абдан чоң көлөмдө иштетип алганга үлгүрүшүбүз керек. Жетишсек быйыл, болбосо, кийинки жылы долбоордо бардык линияларды ишке киргизебиз», — деди Акимжанова.

Белгилей кетсек, ата мекендик «БАЙ ЭЛИМ КОМПАНИ» ЖЧК шекер-рафинаддарын, ар түрдүү уксус кычкылдыктарын, йоддолгон тамак-аш тузун, томат пасталарын, жашылча консервацияларын, чык (соус) жана кыямдын түрлөрүн өндүрүп келет.

Кыргызстан энергетика тармагына жабдууларды алууга венгриялык компания менен кызматташат

Түз аба каттамы менен ишке орноштуруу мүмкүнчүлүгү — Садыр Жапаровдун Венгрияга сапарынын жыйынтыгы

Кыргызстандан Венгрияга түз авиакаттамдарды ачуу боюнча сүйлөшүүлөр уланууда