Кыргызстандыктар Tesla унааларын заводдон түздөн-түз буйрутма бере алышат
Россиялык Expocar стартапы Tesla унааларын өндүрүштөн түздөн-түз Кыргызстанга жеткирүүгө даяр. Бул тууралуу Rb.ru басылмасына стартаптын негиздөөчүсү Магомед Алиев билдирди.
Басылманын маалыматы боюнча, унааларга буйрутма берүү үчүн кардарлар 3D-конфигураторунун жардамы менен унааны чогултуп, жеткирүүнү уюштура турган онлайн дилердик кызматты пайдалана алышат. Азыр Expocar компаниясы Tesla заводу менен Россияга, Бириккен Араб Эмираттарына жана Кыргызстанга электр унааларын жеткирүү боюнча келишим түздү.
Алиевдин айтымында, интернет-салон аркылуу биринчи айда 15тен ашык унаа сатылган. Ошол эле учурда, Tesla моделдеринин баасы өлкөдөн өлкөгө айырмаланып, орточо базар баасынан төмөн болот.
Мындан тышкары, Expocar Kia жана Volkswagen заводдору менен түз жеткирүү боюнча сүйлөшүүлөрдү жүргүзүп жатат.