I-чейректин жыйнтыгы боюнча коммерциялык банктардын кирешеси 5.8 млрд сомду түздү

Кыргызстандын комбанктары I-чейректе 5.8 млрд сом киреше табышты. Бул өткөн жылдын ушул мезгилине салыштырганда дээрлик уч эсе көп. Бул тууралуу Улуттук статистика комитети маалымдады.

2023-жылдын январь-март айларында 28 банктын ичинен 23 мекеме отчеттук мезгилде пайда табып, төртөө чыгымга учурап, бирөө нөлдүк финансылык натыйжа көрсөттү.

23 банктын кирешеси 5 млрд 822 млн сомду түздү. Өткөн жылдын ушул мезгилинде 22 банк 2 млрд сомдон бир аз ашык киреше тапкан.

Эске салсак, 2022-жылы Кыргызстандын банк тармагы рекорддук 23 млрд 640 млн сом киреше тапкан.