"Жаңырейшн аймак" долбоорунун колдоосу менен эмерек бизнесибизди өнүктүрүп жатабыз

"Жаңырейшн аймак" долбоорунун каржылык колдоосу менен баткендик Дурдана Сапарова өзүнүн эмерек бизнесин кеңейтип, келечекте дагы жумушчулардын санын он бештей адамга көбөйтүүнү пландап жаткан учуру.

— Өзүңүз жөнүндө айтып берсеңиз?

— Мен Сапарова Дурдана, Баткен районунун Кара-Булак айыл өкмөтүнө караштуу Бужум айылынан болом. Үй-бүлөдө биринчи, тун бала болуп, ишкерлердин үй-бүлөсүндө чоңойгонмун. Үй-бүлөлүүмүн, үч баланын энесимин. Бужум айылындагы "Бужум" орто мектебин кийин Ош Технологиялык университетинде бухгалтер-экономист адистиги боюнча билим алгам.

— Ишиңизди кайсы жылы жана кантип баштадыңыз? Мунун баары кантип башталды? Эгер бул үй-бүлөлүк бизнес болсо, кайсы жылы жана кандай шартта активдүү иштеп калдыңыз?

— Бул биздин үй-бүлөлүк бизнесибиз. Жолдошум бир канча жыл архитектура тармагында иштеп, 2015-жылы үй шартында айылдыктардын эмеректерин жасап жүрдү, андан кийин келечекте эмерек цехин ачуу максатында, акча каражаты жетишсиз болуп, кайра Москвага барып иштеп, эмерек кесүүчү станок сатып келип, 2022-жылы эмерек цехин ачып, азыркы күндө, элдин кызматында иштеп жатабыз.

"Яркий дом Баткен" бул биздин үй-бүлөлүк бизнесибиз, биз ламинат, акрилдан жасалган мебелдин бардык түрүн жасайбыз. Мен негиздөөчү -менеджер болуп иштеймин, бизнесибиздин финансы, продажа, реклама тармагын караймын жана бош убактымда мастерлерге кошулуп эмерек жасаймын. Буга чейин жалпысынан 4 кызматкер иштечү, грант алгандан кийин дагы 3 жумушчу кошкону турабыз жакынкы күндөрү. Андан соң келечекте цехибизди чоңойтуп, 10-15 жумушчу топ түзүүгө белсенип жатабыз.

— "Жаңырейшн аймак" долбоору тууралуу кайдан уктуңуз? Грант алуу үчүн эмне кылышыңыз керек болчу?

— "Жанырейшн аймак" долбооруу тууралуу инстаграм соцтармагынан кокустан эле көрүп калып, арыз толтуруп койгон болчумун. Грант алуу үчүн келечекте эмерек цехин ачуу үчүн каражатыбыз жетишсиз болгондуктан, биздеги көйгөйлөрдүн баарын жазып толтурганмын.

— Долбоорлор каржылоо үчүн кантип тандалып алынган?

— Алгач мага арыз толтургандан кийин долбоорго тандалып алынганым жонундо смс келген. Андан соң онлайн форматта окуп, акселерациянын биринчи туруна тандалып алып, аны оффлайн форматта Ош шаарында окуп, андан да тандалып алып, Бишкек шаарында экинчи туруна барып катышып, андан да өтүп, биздин долбоор тандалып алынды.

— "Жаңырейшн аймак" долбоору сизге кандай жардам бергенин айтып бериңизчи. А жана Б раундунда эмнеге ээ болдуңуз?

— Долбоор ишкерлерге жабдуулар, техникалык колдоо жана окутуу аркылуу жардам берет. Долбоор бизге биринчи турдан ламинаттын четин кромка жабыштырып берүүчү 1500 долларга станок сатып берди. Экинчи турдан 4500 долларга эмерек жасоо учун материал сатып алып берди.

— Грант алуу долбооруңузга кандай мүмкүнчүлүктөрдү түзүлдү?

— Абдан сонун мүмкүнчүлүк түзүлдү. Анткени биз айыл жергесинде тургандыктан мындай чоң суммада материал алууга каражатыбыз жетишпей, ар тараптан каражат издеп, бирок эч кандай майнап чыкпай, жумушубуздун алдыга жылуусуна тоскоолдуктар болуп жатканда бул грант биз үчүн өтө чоң кубаныч алып келди.

— Канча жумуш орундарын түзүүгө жетиштиңиз?

— Буга чейин жалпысынан 4 кызматкер иштечбз, грант алгандан кийин дагы 3 жумушчу кошкону турабыз жакынкы күндөрү. Андан соң келечекте цехибизди чонойтуп, 10-15 жумушчу топ түзүүгө белсенип жатабыз.

— Келечекке кандай пландарыңыз бар? Мындан ары бизнесиңизди өнүктүрүү үчүн эмне кылууну пландап жатасыз? Беш жылдан кийин бизнесиңизди кайдан көрөсүз?

— Келечекте азыркы цехибизди 3 кабаттуу цехке айландырып, жумушчулардын санын көбөйтүп, жумшак мебелдерди жасап жана фрезерный станок сатып алып кыргыз орнаменттери түшүрүлгөн эмеректерди жасап чыгарабыз деген максаттарыбыз бар. Андан сырткары, Баткен облусунун башка райондоруна да филиалдарды ачып, жумшак эмеректердин формасын тигүү үчүн кыз-келиндерди да жумушка алып, окутуп чыгарсак деген үмүтүбүз чоң.

Бизнес-долбоорлордун сынагы БУУӨП "КРнын Ош, Жалал-Абад, Баткен облустарында COVID-19нын терс кесепеттеринен социалдык-экономикалык калыбына келтирүү" долбоорунун алкагында өткөрүлүүдө.