> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# «Альфа телеком» 14.6 млрд сомго бааланды
- URL: https://im.kg/ekonomika/2023/04/14/alfa-tieliekom-14-6-mlrd-somgho-baalandy/
- Published: 2023-04-14T10:42:00.000Z
- Updated: 2023-05-04T07:13:11.000Z
- Author: Бактынур Абдиева
- Tags: Экономика, #Import 2025-07-22 12:57

**«Альфа Телеком» мамлекеттик уюлдук байланыш компаниясынын (MEGA бренди) болжолдуу баасы 14.6 млрд сомду түзөт. Бул тууралуу 13-апрелде Жогорку Кеңештин жыйынында депутат Жанар Акаев билдирди, деп жазды «Азаттык».**

Депутаттын айтымында, 13-апрелде компанияны баалоо боюнча ведомстволор аралык комиссиянын отуруму болуп, анда казакстандык «Терра консалтинг» жана «ААР-Эдвайзори энд рисерч» компаниялары Альфа Телекомду 170.3 млн долларга баалашканы белгилүү болгон (14.6 млрд сом). Ведомстволор аралык комиссиянын мүчөлөрү мындай баа менен макул болушуп, тиешелүү чечимди министрлер кабинетине жөнөтүштү.

> Эске сала кетсек, Мамлекеттик мүлктү башкаруу боюнча мамлекеттик агенттик Economist.kg-ге атайын комиссия баалоо корутундусун бекиткен соң «Альфа Телекомду» сатуу боюнча тендер уюштурса болот экенин билдирген.

«Альфа Телеком» 2023-жылдан 2025-жылга чейинки мезгилде менчиктештирилүүчү объектилердин тизмесине киргизилген.