> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Кыргызcтанда эл аралык энергетикалык соода борборун түзүү зарыл
- URL: https://im.kg/ekonomika/2023/06/16/kyrghyzctanda-el-aralyk-enierghietikalyk-sooda-borborun-tuzuunu-zaryl/
- Published: 2023-06-16T09:30:18.000Z
- Updated: 2023-06-16T11:51:17.000Z
- Author: Сапар Акунбеков
- Tags: Экономика, #Import 2025-07-22 12:57

**16-июнда Циндао шаарында (Шандонг провинциясы, Кытай) ШКУнун жеткирүү чынжырчасынын форумунун алкагында КРнын Экономика жана коммерция министрлигинин Кытайдагы соода өкүлү Жусубали Төрөмаматов Биринчи эл аралык энергетика форумуна катышты. Бул тууралуу Экономика министрлиги кабарлады.**

Төрөмаматов белгилегендей, Кытай Кыргызстан үчүн маанилүү соода өнөктөшү жана энергетикалык продуктылардын эң ири керектөөчүсү.

> «Кытай менен ШКУ өлкөлөрүнүн ортосундагы соода-экономикалык байланыштарды натыйжалуу илгерилетүү үчүн Кыргызстан кепилдик жана маалымат аянтчасы, ошондой эле финансы, эсептешүү, бажы жана логистика боюнча оперативдүү чечим боло турган Эл аралык энергетикалык соода борборун түзүүнү зарыл деп эсептейт», - деп баса белгиледи Төрөмаматов.

Ал ошондой эле кытай тараптын өкүлдөрүн жана башка форумдун катышуучуларын Кыргызстандын энергетика тармагын инвестициялоого чакырды.