Кытайдын Чэнду шаарында соода-экономиканы жана инвестицияны өнүктүрүүгө арналган форум өттү

Чынгыз Керимбеков -

Кытайдын Чэнду шаарында соода-экономиканы жана инвестицияны өнүктүрүүгө арналган форум өттү. Бул тууралуу Инвестициялар боюнча улуттук агенттиги билдирди.

Форумга Сычуань провинциясынан 100 ашык инвестициялык жана туристтик компаниялардын, ишкер чөйрөлөрдүн өкүлдөрү катышты.

Агенттиктин директорунун орун басары Нурадил Баясов иш-чаранын жүрүшүндө кытайлык ишкерлерге Кыргызстандагы бизнес-климат, ошондой эле анын инвестициялык мүмкүнчүлүктөрү тууралуу кененирээк айтып берди.

Директордун орун басары Кыргыз Республикасы чоң инвестициялык потенциалга ээ жана Сычуань провинциясындагы инвесторлор үчүн ЕАЭБ өлкөлөрүнүн, ЕБ жана АКШнын (ВСП+) ошондой еле Улуу Британия (DCTS) рыногторуна кирүү үчүн ыңгайлуу «терезе» катары иштей аларын белгиледи.