Ысык-Көл облусу менен КНРдын СУАР аймагы туризм тармагы боюнча сүйлөшүүлөрдү өткөрдү

27-июнь күнү Ысык-Көл облусуна Кытайдын Кыргызстандагы ыйгарым укуктуу элчиси Ду Дэвень келди. Бул тууралуу президенттин Ысык-Көл облусундагы өкүлчүлүгүнүн маалымат кызматы билдирди.

Облус жетекчиси Илияз Иманбетов Кытай элчиси менен облустагы бир катар маселелер боюнча сүйлөшүү жүргүздү. Анда эки өлкө ортосундагы карым-катнаш, өзгөчө Ысык-Көл облусу менен Кытайдын СУАР аймагы ортосундагы алака, андагы экономикалык, айыл чарба багыты, туризм тармагы боюнча сүйлөшүүлөр болду.

Элчи айым иш сапарынын алкагында Түп районунун Чоң-Сары Кыр жана Чар-Кудук жайлоолорунда ачылыш аземи болгон жайлоо бала бакчаларына барды.