> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Өкмөт кытайлык компаниялар менен биргелешкен долбоорлорду ишке ашырууну талкуулады
- URL: https://im.kg/ekonomika/2023/10/23/okmot-kytailyk-kompaniialar-mienien-birghielieshkien-dolboorlordu-ishkie-ashyruunu-talkuulady/
- Published: 2023-10-23T04:05:05.000Z
- Updated: 2023-10-23T04:05:05.000Z
- Author: Сапар Акунбеков
- Tags: Экономика, #Import 2025-07-22 12:57

**Министрлер кабинетинин төрагасы Акылбек Жапаров кытайлык China North Industries Group Corporation Limited (Norinco) компаниясынын өкүлдөрүн кабыл алды. Бул тууралуу минкаб билдирди.**

Жолугушуунун жүрүшүндө тараптар ишмердүүлүктүн түрдүү тармактарында кызматташуунун багыттарын, анын ичинде өнөр жай өндүрүшүн жогорулатуу, геология жана геологиялык чалгындоо маселелерин талкуулашты.

Жапаров эки тараптуу мамилелерди активдүү бекемдөөгө өбөлгө боло турган ар тараптуу кеңири чөйрөдө мындан аркы кызматташтыкты чыңдоого даяр экенин билдирди.

Өз кезегинде Norinco өкүлдөрү өкмөткө компания көрсөткөн кызматтардын географиясы тууралуу айтып беришти, аны менен катар сунушталып жаткан кызматташуу үчүн эң пайдалуу багыттарды белгилешти.

Жыйынтыгында тараптар биргелешкен долбоорлорду ишке ашыруу үчүн бардык күч-аракетин жумшоого макулдашышты.