> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Финансы министрлигинде АӨБ жана Дүйнөлүк банктын долбоорлорунун жыйынтык обзору болду
- URL: https://im.kg/ekonomika/2025/10/31/finansy-ministrlighindie-aob-zhana-duinoluk-banktyn-dolboorlorunun-zhyiyntyk-obzoru-boldu/
- Published: 2025-10-31T03:43:31.000Z
- Updated: 2025-10-31T03:43:31.000Z
- Author: Ишкер Media
- Tags: Экономика

**24 жана 29-октябрь күндөрү Финансы министрлигинде 2025-жылдын III кварталынын жыйынтыгы боюнча Азия өнүктүрүү банкынын (АӨБ) жана Дүйнөлүк банктын (ДБ) долбоорлорунун портфелдерине арналган кезектеги обзорлор болуп өттү. Бул тууралуу Финансы министрлигинен билдиришти.** 

Иш-чарага Финансы министринин орун басары Н.А. Акжолов, АӨБдин Кыргызстандагы туруктуу өкүлчүлүгүнүн директору Чжэн Ву, Дүйнөлүк банктын өкүлчүлүгүнүн башчысы Хью Ридделл, ошондой эле министрликтердин, ведомстволордун жетекчилери жана долбоорлорду ишке ашыруу бөлүмдөрүнүн кызматкерлери катышты.

Жыйында мамлекеттик инвестициялык долбоорлордун ишке ашырылышынын учурдагы абалы, көйгөйлөр жана аларды чечүү жолдору талкууланды. Портфелдик кароонун негизги максаты – долбоорлордун аткарылышын комплекстүү баалоо, тартылган каражаттардын максаттуу жана натыйжалуу пайдаланылышын аныктоо, ошондой эле алардын ишке ашырылышынын эффективдүүлүгүн жогорулатууга багытталган чараларды иштеп чыгуу болуп саналат.

Обзорлордун жыйынтыгында катышуучулар эл аралык өнөктөштөр менен биргеликте долбоорлордун сапатын жана натыйжалуулугун жогорулатуу боюнча сунуштарды иштеп чыгышты.