> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Финансы министрлиги  2025-жылга "Google салыгы" боюнча планды 39%га жогорулатты
- URL: https://im.kg/ekonomika/2025/12/23/finansy-ministrlighi-2025-zhylgha-google-salyghy-boiuncha-plandy-39-gha-zhoghorulatty/
- Published: 2025-12-23T04:34:45.000Z
- Updated: 2025-12-23T04:34:44.000Z
- Author: Ишкер Media
- Tags: Экономика, Бизнес

**Финансы министрлиги такталган республикалык бюджеттин долбоорунун маалыматына ылайык, 2025-жылга карата Google салыгын (чет өлкөлүк уюмдардын электрондук кызматтарына КНС) чогултуу планын 39%га жогорулатты.**

Алгач министрлик бул салык боюнча 920,9 млн сом түшөт деп пландаган. Бул сумма республикалык бюджет тууралуу мыйзамга тиркелген колдонмодо көрсөтүлгөн.

> Өзгөртүүлөрдө министрлик планды 1,3 млрд сомго чейин көбөйтүүнү сунуштап жатат. "Google салыгы" боюнча акыркы он айдагы чыныгы түшүүлөр дээрлик жаңы планга жетти — талап кылынган сумманын 99,7%ы жыйналган.

"Google салыгын" (чет өлкөлүк уюмдардын электрондук кызматтарына кошулган нарк салыгы — КНС) Кыргыз Республикасынын аймагында домендик аталышты же IP-даректи пайдаланбастан электрондук форматта кызмат көрсөткөн, кызмат көрсөтүү жери катары КРнын аймагы таанылган чет өлкөлүк уюмдар төлөшөт.

КНСтин ставкасы көрсөтүлгөн кызматтардын суммасынан 12%ды түзөт.