> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Тигүү ишканалары үчүн "Экспорттук акселератор" окуу программасы башталды
- URL: https://im.kg/ekonomika/2026/09/28/tiguu-ishkanalary-uchun-eksporttuk-akselerator-okuu-programmasy-bashtaldy/
- Published: 2026-09-28T10:58:28.000Z
- Updated: 2026-09-28T10:58:28.000Z
- Author: Ишкер Media
- Tags: Экономика

**Экономика жана коммерция министрлигине караштуу “Кыргыз Экспорт” борбору ЕККУнун Кыргызстандагы программасы жана “Текстиль өнүктүрүү борбору” менен биргеликте тигүү тармагындагы ишканалар үчүн “Экспорттук акселератор” аттуу окуу программасын баштады.**

Окууга тигүү ишканаларынын жетекчилери жана өкүлдөрү катышууда. Эл аралык эксперттер экспорттук ишмердүүлүк, эл аралык маркетинг, чет өлкөлүк сатып алуучуларды издөө жана экспорттук сатуу боюнча практикалык тажрыйбалары менен бөлүшүүдө.

Программа 2025–2028-жылдарга карата “Кыргызстанда жасалган” улуттук экспорттук программасынын жана Кыргыз Республикасынын Министрлер Кабинетинин 2026-жылга карата иш-аракеттер планынын алкагында ишке ашырылууда. Анын негизги максаты — тигүү ишканаларынын Европа Биримдигинин жана Перс булуңундагы өлкөлөрдүн рынокторуна чыгышын колдоо.

Окутуунун биринчи күнүндө катышуучулар экспорттук ишмердүүлүктүн негиздери, эл аралык маркетинг, чет өлкөлүк сатып алуучуларды издөө жана экспорттук сатуу боюнча билим алышат. Ошондой эле сүйлөшүүлөрдү жүргүзүү жана коммерциялык сунуштарды даярдоо боюнча практикалык көндүмдөрүн өркүндөтүшөт.

Акселератордун алкагында катышуучуларга жеке насаатчылык, продукцияны сертификациялоо боюнча консультациялар, ошондой эле бизнес-миссияларды уюштурууга жана эл аралык көргөзмөлөргө катышууга колдоо көрсөтүлөт.