> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# "Ош-Тазалык" ишканасына жаңы атайын техникалар тапшырылды
- URL: https://im.kg/ekonomika/2026/11/16/osh-tazalyk-ishkanasyna-zhany-ataiyn-tekhnikalar-tapshyryldy/
- Published: 2026-11-16T07:12:00.000Z
- Updated: 2026-11-16T07:11:59.000Z
- Author: Жазгүл Жаңыбаева
- Tags: Экономика

**Ош шаарынын мэри Жанарбек Акаев "Ош-Тазалык" муниципалдык ишканасына жаңы атайын техникаларды жана жабдууларды тапшырды. Бул тууралуу мэриянын маалымат кызматы кабарлады.**

> Маалымдалгандай, иш-чарага Европа Биримдигинин Кыргыз Республикасындагы өкүлчүлүгүнүн Кызматташтык бөлүмүнүн башчысы Йоханнес Баур жана тиешелүү мекеме-ишканалардын өкүлдөрү катышты.

Иш-чаранын алкагында Жанарбек Акаев менен Йоханнес Баурдун жумушчу жолугушуусу да өттү. Анда шаардагы катуу тиричилик калдыктарын башкаруу системасын жакшыртуу долбоорунун жүрүшү, жетишилген жыйынтыктар жана мындан аркы кызматташтык маселелери талкууланды.

> Маалыматка ылайык, жаңы техникалар Европалык реконструкциялоо жана өнүктүрүү банкынын (ЕРӨБ) жана Европа Биримдигинин колдоосу менен гранттык негизде алынган.

Алардын катарында 1 экскаватор-жүктөгүч, 3 DONGFENG үлгүсүндөгү таштанды ташуучу унаа, 8 куб метрлик алты контейнер, таштандыларды ныктай турган GYL үлгүсүндөгү техника, атайын сыйымдуулук жана керектүү тетиктер бар.

Белгилей кетсек, Ош шаарындагы катуу тиричилик калдыктарын башкаруу системасын жакшыртуу долбоору 2016-жылдан бери ишке ашырылып келет. Долбоордун алкагында "Ош-Тазалык" ишканасынын өндүрүштүк базасы модернизацияланып, атайын техникалар сатылып алынган. Ошондой эле шаар боюнча **300 контейнердик аянтча** уюштурулган.

Учурда шаарда жаңы санитардык полигонду куруу жана иштеп жаткан таштанды төгүүчү жайды рекультивациялоо иштери улантылууда.

[](https://chatgpt.com/?noauth%5Frecent%5Fchat%5Ffailed=1)[](https://chatgpt.com/images)[](https://chatgpt.com/plugins?plugins%5Flanding=1)[](https://openai.com/chatgpt/pricing/)[](https://help.openai.com/ru-ru/collections/3742473-chatgpt)[](https://chatgpt.com/settings)

![](https://storage.ghost.io/c/64/0f/640fd1f7-7b7a-4402-b729-688b0de60d32/content/images/2026/11/907004622_1486207633698129_4461647460804999444_n.jpg)

![](https://storage.ghost.io/c/64/0f/640fd1f7-7b7a-4402-b729-688b0de60d32/content/images/2026/11/910418498_1486207377031488_8027907696958808967_n.jpg)

![](https://storage.ghost.io/c/64/0f/640fd1f7-7b7a-4402-b729-688b0de60d32/content/images/2026/11/913214916_1486206963698196_3485949901666182484_n.jpg)