USAID Кыргызстанга 128 электр эсептегич өткөрүп берди - алар чек арага орнотулат

Чынгыз Керимбеков -

USAID Кыргызстанга 128 электр эсептегич жана 104 интернет-модем тапшырды. Бул тууралуу Энергетика министрлигинин басма сөз кызматы билдирди.

Маалым болгондой, жабдуулар USAIDдин Power Central Asia энергетикалык долбоорунун алкагында сатылып алынган. Бул долбоор 39 млн долларлык беш жылдык аймактык энергетикалык программа болуп саналат, ал Борбордук Азиянын энергетика тармагын өнүктүрүүгө багытталган.

6-июнда Бишкекке 128 электр эсептегичтер алынып келинди. Сатылган жана сатылып алынган энергияны көзөмөлдөө үчүн алар коңшу мамлекеттер менен чек арага жайгаштырылат. Энергетика министри Таалайбек Ибраевдин айтымында, бул аппараттар бир айдын ичинде орнотулат. Мындан тышкары 104 даана интернет-модем да жеткирилди.