EIB транспорт тармагын өнүктүрүүсүнө 150 млн евро берет

Кыргызстандын транспорт тармагындагы долбоорлорду каржылоо үчүн жалпы суммасы 150 млн еврону түзгөн өкмөт менен Европа инвестициялык банкынын (EIB) ортосунда өз ара түшүнүшүү жөнүндөгү меморандумга кол коюлду. Бул тууралуу минкаб билдирди. 

Кол коюу аземи Борбор Азия менен Европа Биримдигинин ортосундагы туруктуу транспорттук байланыштар боюнча Биринчи Global Gateway инвесторлор форумунун алкагында болду.

Өз кезегинде, Еврокомиссиянын аткаруучу вице-президенти Валдис Домбровскис Борбор Азия өлкөлөрү менен транспорт тармагындагы кызматташуусу активдүү жүрүп жатканын белгиледи.   

Ал эми, Бакыт Төрөбаев Европа менен Азияны байланыштырган КРнын транспорттук коридорлорунун маанилүүлүгүн белгилеп, өзгөчө «Кытай-Кыргызстан-Өзбекстан» темир жолун куруу боюнча стратегиялык долбоордун келечегине токтолду.