Бишкекте 100дөн ашык муниципалдык батир менчиктештирилет

Бишкек шаарында муниципалдык турак жайларды менчиктештирүүгө даярдыктар өтүп жатат. Бул тууралуу шаардык мэриясынын маалымат кызматы билдирди.

Маалыматка ылайык,бүгүнкү күндө менчиктештирүүгө жарандардан 150гө жакын арыз бар, алар Бишкек шаарынын мэриясынын муниципалдык турак жайларды менчиктештирүү маселелерин кароо боюнча комиссиясынын отурумунда каралды.

«Бул 25-30 жылдан ашык мунциипалдык батирлерде жашаган шаардыктардын категориясы. Алардын менчиктештирүү маселелери көп жылдар бою чечилбей келген», - деп маалымат кызматы белгиледи.

Учурда батирлерди менчиктештирүү боюнча биринчи чечимдер кабыл алынды.