Оштун борбордук көчөсүндө жолду оңдоп-түзөө иштери кызуу жүрүүдө

Ош шаарынын мэри Бакытбек Жетигенов Алай көчөсүндөгү жолду асфальттоо боюнча жүрүп жаткан жумуштар менен жеринен таанышып чыкты. Бул тууралуу шаардын мэриясынын маалымат кызматы билдирди.

Мында, жолду оңдоп-түзөөдөн тышкары, тиешелүү кызматтар тарабынан таштандыларды ылгоолочу контейнерлерди орнотуу, көп кабаттуу үйлөрдүн фасаддарын сырдоо, инженердик тармактарды өткөрүү иштери жүргүзүлүүдө.

Аталган тилкедеги жолдун жалпы узундугу 700 метрди түзөт.