Лотереянын катышуучуларына ID-номерлер жумасына 2 жолу ыйгарылып турат – Салык кызматы

Чынгыз Керимбеков -

«Чек талап кылып, байге утуп ал!» лотереясынын катышуучуларына ID-номерлер жумасына 2 жолу ыйгарылып турарын Салык кызматы билдирет.

«Салык чек» тиркемеси аркылуу ID-номерлерди ыйгаруу процесси төмөнкүдөй жүргүзүлөт:

· дүйшөмбүдөн шаршембиге чейин сканерленген кассалык чектерге жума күнү саат 23:30дан кийин берилет;

· бейшембиден жекшембиге чейин сканерленген кассалык чектерге шаршемби күнү саат 23:00дөн кийин берилет.

Бул тобокелдикке багытталган лотерея катышуучуларын өз убагында жана сапаттуу талдоону камсыз кылуу үчүн ишке ашырылууда.

ID-номерлер 1000001ден баштап катар номери менен ыйгарылат.

Топтолгон ар бир 1000 сомго 1 ID-номер берилет.

Белгилей кетсек, 25-30-декабрда лотереянын утуштарынын 2-этабы болот, анда 10 батир, 10 электромобиль, чет өлкөгө 3 жолдомо, 500 iPhone14, 500 смартфон, 150 ноутбук, Дайсон маркасындагы 20 фен ойнотулат.